Itsas paseoak stand up paddle-en eta kanoan

Zailtasun eta ahalegin gutxiko ordu bat eta erdiko ibilbide bat da Gernikako itsasadarrean zehar eta inoiz ez bezala Urdaibaiko Biosfera Erreserbaren ingurune zoragarri eta pribilegiatuaz gozatzeko aukera paregabea izango duzuna.

Itsas paseo honek Laidako hondartzan du bere hasiera eta helmuga, Kanalako auzotik, Sukarrietatik eta Mundakako udalerritik igaroz. Uretara sartu baino lehen, txalekoak banatu eta arraunean ibiltzeko oinarrizko ariketa batzuk egiten dira kayak, kanoa, piragua edo stand up paddle tauletan paseo polit batez gozatu aurretik.

Parte-hartzaileen erosotasun eta segurtasunerako itsas paseoen ur-ekintzak ondorengoez daude horniturik:

• Istripu eta erantzukizun zibilaren asegurua.
• Garraioa, stand up paddle taulak, berez husten diren piraguak eta kanoa bikoitz urperaezinak, bat eta bi orridun palak, bizkarraldeak, bidoi itxiak eta jarduerak burutu ahal izateko beharrezkoak diren ekipamendu guztiak (salbamendu-txalekoak, neoprenozko jantziak eta zirak).

Gernikako itsasadarrean zeharreko itsas paseoen ordutegia mareen araberakoa izango da, beraz, behar-beharrezkoa da gurekin aurretiaz harremanetan jartzea, aukeratutako egunari dagokion ordua zehazteko.